რა არის მენეჯმენტის გეგმა?

მენეჯმენტის გეგმა არის დაცული ტერიტორიის მართვის ძირითადი სამართლებრივი დოკუმენტი, რომელიც განსაზღვრავს რა უნდა დავიცვათ, რა საფრთხეები არსებობს, რა მიზნები გვაქვს და როგორ მივაღწიოთ ამ მიზნებს. «დაცული ტერიტორიების სისტემის შესახებ» საქართველოს კანონის მე-15 მუხლის მიხედვით, მენეჯმენტის გეგმა სავალდებულოა ყველა დაცული ტერიტორიისთვის და მტკიცდება საქართველოს მთავრობის დადგენილებით, ტექნიკური რეგლამენტის სახით.

📋 რისთვის კეთდება?

• ტერიტორიის მართვის სამართლებრივი საფუძვლის შესაქმნელად
• ზონირებისა და დაშვებული საქმიანობების დასარეგულირებლად
• ბიომრავალფეროვნებისა და ტრადიციული მეურნეობის თავსებადობისთვის
• ბიუჯეტისა და დაფინანსების დასასაბუთებლად
• საერთაშორისო ვალდებულებების შესასრულებლად

📖 რას შეიცავს?

• აღწერა — ფიზიკური, ბიოლოგიური, სოციალური მახასიათებლები
• მიზნები — 2050 ხედვა და 10-წლიანი ამოცანები
• პროგრამები — აქტივობები, ინდიკატორები, პასუხისმგებლები
• ზონირება — დაშვებული/აკრძალული, ლიმიტები
• მონიტორინგი — შეფასების ეტაპები

⚙️ რატომ სამუხი?

საქართველოში პირველი მუნიციპალური IUCN VI კატეგორიის დაცული ტერიტორია. შეიქმნა 2022 წელს. 4 წელია გეგმის გარეშე ფუნქციონირებს — არ არის ზონირება, საძოვრების რეგულაცია, მონიტორინგი.

🌐 IUCN VI კატეგორია

IUCN VI — Protected Area with Sustainable Use of Natural Resources. ტერიტორიის ⅔ ბუნებრივ მდგომარეობაში უნდა იყოს. სამუხის შემთხვევაში, ეს თუშური მომთაბარე მეცხვარეობაა — საუკუნეების სეზონური ძოვება, ეკოსისტემის ორგანული ნაწილი. IUCN 2025 რეზოლუცია 008 აღიარებს პასტორალიზმის კონსერვაციულ ღირებულებას. 2026 — გაეროს საძოვრებისა და მეცხვარეების საერთაშორისო წელი (IYRP).

ამ ვებგვერდზე წარმოდგენილია მენეჯმენტის გეგმის სრული შინაარსი: 18 ამოცანა, 58 ინდიკატორი, 123 აქტივობა. შეგიძლიათ გაფილტროთ, მოძებოთ, აწარმოოთ ანგარიშგება.

გეგმა მომზადებულია: ა(ა)იპ საბუკო, BirdLife International, Endangered Landscapes & Seascapes Programme (Arcadia / Cambridge Conservation Initiative).